O FORO DOS SIAREIROS DO LICEO

H.C.Liceo 2010/2011 A tempada pasada conseguimos a CERS, este ano temos que conseguir outro titulo!
 
ÍndiceÍndice  PortalPortal  CalendarioCalendario  GaleríaGalería  FAQFAQ  BuscarBuscar  MembrosMembros  Grupos de UsuariosGrupos de Usuarios  RexistrarseRexistrarse  LoginLogin  

Comparte | 
 

 Por que apenas se informa do hoquei a patíns?

Ver tema anterior Ver tema seguinte Ir abajo 
AutorMensaxe
M3NGAN0

avatar

Cantidade de envíos : 26
PUNTIÑOS : 2851
Reputación : 0
Fecha de inscripción : 24/01/2010

EnvíoAsunto: Por que apenas se informa do hoquei a patíns?   Marzo 21st 2010, 6:12 pm

Pois un artigo que atopei hai uns dias...o que pasa non me lembrei de envialo ao foro ata hoxe!



O artigo ten tempo ten data de 28.09.2008 ... igual xa esta no foro...pero pode que alguen non sepa do artigo


Por que apenas se informa do hoquei a patíns?





A. C.
.


España segue a ser un dos líderes mundiais neste deporte, pero
desde hai unha década apenas ocupa espazo nos medios de comunicación.
Séguense conquistando títulos, pero case en silencio. Cal é a razón?


O hoquei a patíns foi un dos grandes deportes da
España de hai máis de medio século. Aínda que moi alleo para o gran
público, en comparación co fútbol ou o ciclismo, gozaba dunha gran sona
en Cataluña e tamén en Madrid. Esta práctica deportiva logra o seu
prestixio definitivo entre as autoridades deportivas da época ao acadar
os campionatos do mundo de 1951 e 1954, celebrados en Barcelona e o de
1955, de Milán, en Italia, sendo a primeira vez que unha selección
española acadaba algún título mundial. Tamén logra tres europeos entre
1954 e 1957. Non cabía lugar a dúbidas, o hoquei a patíns era o deporte
que máis triunfos dera en tan pouco tempo a España, aínda que logo viría
unha época de seca até 1964, ano en que chegaría o cuarto campionato do
mundo. O tirón daquel deporte foi aproveitado pola prensa, e como non,
polas autoridades, que vían nel unha magnífica oportunidade para vender a
marca de “España”.
Todos os medios de comunicación, principalmente
os impresos, levan as súas portadas calquera triunfo español en hoquei a
patíns, que chegou a ser idolatrado. Convértese na cuarta modalidade
deportiva en canto a audiencia despois do fútbol, ciclismo e boxeo. O
baloncesto estaba aínda en cueiros, mentres que no balonmán estase aínda
moi lonxe do resto do continente.







Co paso dos anos, aínda que a práctica
deportiva se reduza a Cataluña e pouco máis, o patinaxe segue a
proporcionar grandes éxitos. Co inicio da Copa de Europa de clubs, os
equipos cataláns fanse con todos os títulos, sendo espectaculares os
combinados do Barcelona, Reus Deportivo e Voltregá que logran todos os
triunfos entre 1965 e 1980. O cadro blaugrana ten na actualidade 18
títulos continentais. Nos anos sesenta e setenta, o hoquei a
patíns acapara todas as primeiras páxinas, xa non só da prensa deportiva
senón da diaria. En 1976, xa desaparecida a ditadura, a Revista
“Deporte 2000” titula a toda cor na súa portada “Oitavo título mundial
para España”, mentres aparece o capitán da selección española amosando o
trofeo acadado en Oviedo. O sétimo conseguírase catro antes na Coruña.
Tampouco quedan á marxe os xornais “As” e “Marca”, que dan cumprida
información de todo canto acontece nas canchas de patinaxe.

O
Liceo.
Xa nos oitenta os equipos cataláns terán un serio
competidor que os afastará das portadas e das páxinas de deportes.
Trátase do equipo herculino do Liceo, presidido por Augusto César
Lendoiro, que conseguirá varios títulos de liga consecutivos e tres
copas de Europa entre 1987 e 1992. O seu cuarto título continental
chegaría en 2003. Por este motivo, A Coruña pasa a ser unha das
principais referencias mundiais do patinaxe. Incluso, un patrocinador do
cadro coruñés que ao mesmo tempo é “sponsor” dun equipo de baloncesto
galego abandona a este último pola maior rendibilidade que daba o
hoquei. A partir dos noventa, crease un torneo galego de
categorías inferiores de patinaxe que obtén un éxito extraordinario. Non
embargante, é a partir desta época cando esta modalidade deportiva
perde espazo tanto na prensa coma nos medios audiovisuais. Aínda que os
éxitos proliferan e o patinaxe sobre rodas inclúese entre os deportes de
exhibición nos Xogos Olímpicos de Barcelona, a información que se
refire a el é mínima. Incluso, nos últimos anos queda case á marxe dos
xornais, aínda que algúns torneos internacionais se celebren no Estado
español. Dende que comezou o actual século, a selección española logrou
todos os títulos europeos e mundiais, aínda que están a pasar
desapercibidos nos medios de comunicación.

Chega o
apagón
A marxinación informativa do hoquei a patíns, que
comezou hai algo máis dunha década, “está en función da demanda”, na
opinión de Moncho Viña, antigo xefe de deportes de Radio Nacional de
España en Galicia. Viña sinala que “un deporte que non teña o seu
epicentro natural en Madrid, que non haxa un equipo competitivo na
capital de España non existe no resto do Estado. O hoquei a patíns está
moi concentrado en Cataluña. A todo isto, engádese a proliferación
doutras prácticas deportivas nas que non había tradición, como é o caso
do automobilismo ou o triatlón”. Todos estes deportes ocupan esa parte
da torta que deixa o fútbol.O veterano xornalista lembra a
importancia que tivo o Liceo na expansión deste deporte. “Era o único
competidor que tiñan os cataláns. Na Coruña había dúas obrigas básicas o
domingo a mediodía. Unha delas, coa que non cumpría todo o mundo era ir
a misa, a outra o hoquei. A xente acudía o pazo dos deportes aínda que
non soubese nada de patinaxe. Ía ver o Liceo”.Outro dos aspectos
que sinala o ex responsábel dos deportes RNE-G é “o gran auxe que
experimentaron outros deportes, principalmente aqueles nos que se
triunfa individualmente. Así xurdiron figuras coma Nadal, Indurain ou
Gómez Noia. Despois, algúns deportes de equipo asociáronse a forte
personalidade dalgúns deportistas coma é o caso de Gasol”. Viñas
bota en falla a falta dun referente que lle devolva a identidade.
“Daquela había xogadores coma Daniel Martinazzo, que foi o mellor
xogador do mundo. Estaban tamén Huelves ou Areces que eran uns grandes
deportistas dentro e fora das canchas de xogo”. Sinala tamén que a
inexistencia de patinadores da súa calidade provocaron a desaparición do
“boom” que tivo o hoquei en Galicia. Tampouco quedaría á marxe o feito
de que o patinaxe non estea incluído dentro do programa dos Xogos
Olímpicos.A pesar de que se encontre de capa caída, no ámbito
informativo, proseguirá o seu deambular polas canchas do Estado, aínda
que moitos ignoren que a selección española acadou, o pasado mes de xuño
o quinto título europeo consecutivo da especialidade. Por se fose
pouco, o vindeiro ano celebrarase en Vigo unha nova edición dos mundiais
de hoquei a patíns, nos que España se alzou con 15 títulos, algo que
non ocorre en ningún outro deporte.
http://www.anosaterra.org/nova/por-que-apenas-se-informa-do-hoquei-a-patins.html



Volver arriba Ir abajo
Ver perfil de usuario
Admin
Admin
avatar

Cantidade de envíos : 2919
PUNTIÑOS : 55194
Reputación : 2
Fecha de inscripción : 15/09/2008

EnvíoAsunto: Re: Por que apenas se informa do hoquei a patíns?   Marzo 21st 2010, 6:20 pm

Pois eu persoalmente non o vira, e é un artigo moi interesante sinceramente.
Volver arriba Ir abajo
Ver perfil de usuario http://hcliceo2008.forosactivos.net
chapas



Cantidade de envíos : 398
PUNTIÑOS : 3580
Reputación : 3
Fecha de inscripción : 29/10/2008

EnvíoAsunto: Re: Por que apenas se informa do hoquei a patíns?   Marzo 22nd 2010, 8:39 am

Si, si. E interesante. O que pasa é que volve a discusión de sempre. Os medios non infornan do hoquei porque non lle interesa a xente ou a xente non se interesa polo hoquei porque non hai información???.
Eu creo que si a COZ de Galicia e a TVG se implicaran máis, habería máis siareiros en Riazor. É si se gañan títulos xa sería o "non vai máis".
Lémbrome nos oitenta (eu era pequeno) televisaban os partidos do Liceo os domingos as 12:00 pola TVG. Non creo que sexa moi caro facer unha retrasmisión de hoquei...
O da COZ de Galicia xa non ten nome...
Volver arriba Ir abajo
Ver perfil de usuario
Contenido patrocinado




EnvíoAsunto: Re: Por que apenas se informa do hoquei a patíns?   

Volver arriba Ir abajo
 
Por que apenas se informa do hoquei a patíns?
Ver tema anterior Ver tema seguinte Volver arriba 
Páxina 1 de 1

Permisos de este foro:Non pode responder a temas neste foro
O FORO DOS SIAREIROS DO LICEO :: Varios-
Cambiar a: